علق الفنان أحمد عز، على الجدل المثار حول استخدام ألفاظ خارجة في أحدث أفلامه «ولاد رزق 3 – القاضية».
وأشار إلى أنه لا يعتبرها ألفاظ خارجة، وإنما يمكن أن تكون بها إيحاءات مؤكدة على أنها لا تختلف عما يقال في الشارع أو عما قيل في الأجزاء السابقة من العمل.
وأوضح أحمد عز قائلا :«الألفاظ الخارجة في فيلم ولاد رزق 3 ..مش شايف أنها مختلفة كتير عن المواسم اللي فاتت ولا اللي بتتقال في الشوارع ولا مختلفة عن سياق الفيلم اللي بيدور في إطار كوميدي» مضيفا :«أنا مش مع تسميتها ألفاظ خارجة هي ممكن يكون فيها إيحاءات ولكن مش ألفاظ خارجة».
وأكد قائلا :«احنا دايما بنراعي بنقدم الفيلم ده لمين وده مش أول جزء لولاد رزق.. وفي الأخر في رقابة لحد سن 16 سنة ولو كان في حاجة مكنتش نزلت من الأول».
وعن ما يهتم به عن اختياره لعمل أو دور معين أوضح أحمد عز أن تفكيره الدائم يكون منصب على الجديد الذي يمكن أن يقدمه للجمهور وليس مقارنته بنجوم آخرين قائلا :«أنا مش شاغل بالي بمين فين ولكن بتمنى انجح وسط زمايلي الناجحين ده اللي يهمني.. ومعنديش عصبية اللي هو أنا ومن بعدي الطوفان دي حاجة مش صحية».
إقرأ ايضا: 3 سيناريوهات وراء غياب «محمد رمضان» عن السباق الرمضاني القادم
يذكر أن فيلم «ولاد رزق 3» من بطولة أحمد عز وعمرو يوسف واسر ياسين وكريم قاسم ومحمد ممدوح وسيد رجب من تأليف صلاح الجهيني وإخراج طارق العريان حقق إيرادات تجاوزت الـ 92 مليون جنيه خلال أسبوع عرض واحد.
