في
لحظة صدق
عشناها
وكنت بتلوي
ف ضلوعي
وف القلب
اللي كان لك ناي
وكنت ساعتها
مش عارفة
أخبي آلامي
ودموعي
واغطي ف توبك
المكشوف
قصاد عيني
ف لحظة ازاي ....
ماهو انت
مشيت
ومش دريان
بإن طاقية اﻹخفا
كانت رافضااااك !!
وحال الحال
ما بين الشوف
وبين بينك
بنات أفكارك
اتمايلت
بكام حدوتة
ملتوتة
ومحدوفة
على جبينك
وع الجنبين ....
و ع الشطين ؛؛
وبين الموجة والهوجة
بتتحايل
وترمي اللوم
صراع وعتاب
وعند الباب
بتنسى الكون
قصاد غدرك
وبتعافر
ومش عارف
تودي بس وشك فين !!؟
بتسقي الجرح
نار قايدة
وبتقول لي
انها ترياق ...
فراق بفراق ..؛؛
هالملم كل اشلائي
وابعتر عمر
كان باقي
ومش لاقي
لحضنه مكان
وكان ياما كان ،،
خلاص
الحلم صحاني
وصحصح فيا
أحزاني
.. وكنت ساعتها
باتمنى
أكون لك
زاد وسجادة
ووقت عبادة ينده لك
ويغفر لك
عذابي ،،
كل أوزارك ،،
وليل كداب
