فتاة كانت تتسوق فى أحد المولات.. وكان معاها أخواتها الصغار.. وجدت شابًا يلاحقها ويعاكسها.. وكل ما تروح مكان كان بيروح وراها.
وبدأ الشاب يعرفها بنفسه وأنه محامى وأنه معجب.. وبدأ يرخم عليها جدا .. اتعصبت الفتاة وقامت بشتمه بصوت عال جداً لدرجة أن الناس بدأت تبص عليهم .. والأمن سمع أصوات الخناقة ووصل إليهم
فجأة وجدت الشاب الذى كان بيعاكسها واقف مرعوب .. والعرق يتصبب وجهه وقرب منها .. وراح رافع إيده وضربها على وجهها بالقلم
وصرخ قائلا :أنتى طالق .. طالق .. طالق
وتركها وهو بيمثل إنه بيتعصب .. وعدى من جنب الأمن ومن قدام الناس كلها وطلع برا المول بصنعة لطافة
ظلت الفتاة واقفة مذهولة من اللى حصل .. وعماله تعيط من وجع القلم اللى انضربت بيه على وجهها وهى تردد .. طالق !!
.. طالق إزاى يعني!!
طالق إزاى وهى أول مره تشوفه
اكتشفت أن الناس فهموا أنها مصدومة .. وإن زوجها طلقها فعلا
.. وابتدت سيدات من المول تيجى ناحيتها وتواسيها وهى مازالت مزهولة!
سيدة تقول لها حرام عليكى عصبتيه ليه بس؟!
وبدأت الناس فى المول بيشاوروا على اخوتها الصغار .. وبيقولوا .. طيب هتروحى فين بالعيال دى دلوقت.
بعد الموقف ده تقول الفتاة:
.. كنت هموت من الضحك .. وهموت واعرف جاب الفكرة دى منين
إن البنات بتروح المول .. يشوفها شاب صدفة ويحبها ويروح يخطبها.
وأنا اروح المول وأرجع مضروبة بالقلم وكمان مطلقة .. وكمان معايا عيال
علمتنى الحياة :
أعيش لنفسى وأبتعد عن كل ما يؤلمنى ويجرحنى وأن أهتم بسعادتى و أزرع الخير فى نفوس البشر .. وأن أتمنى الخير للجميع دون استثناء .. سعادة الآخرين لن تأخذ من سعادتى .. وغناهم لن ينقص من رزقى .. وصحتهم لن تسلبنى عافيتى.
