شارك الفنان رامي صبري جمهوره بصورة له منذ 23 عام، عبر حسابة الرسمي بموقع الصور والفيديو"إنستجرام".
ونشر صبري صورة قديمة له أثناء غنائه في كورال الفنان محمد الحلو، وعلق عليها قائلا:«صورة من 23 سنة تقريبًا الفرق بينهم كبير جدًا في الصورة اللي فوق كنت بشتغل كورال مع الفنان الكبير محمد الحلو وكنت وقتها ببتدي أشتغل علشان أفهم يعني إيه مسرح وجمهور وإزاي أتعامل مع الناس في الشغل».
وأضاف: «كنت دايما عارف إنها مرحلة (تعليمية) وهاتمشي مش هقف عندها علشان كده مكانش عندي طموح فيها، فضلت أشتغل كورال مع معظم النجوم ساعتها لحد ما لحنت لفضل شاكر وعامر منيب الله يرحمه، وبعدين شيرين أول ما ابتدت، وكل ده عارف إن هدفي لسه مجاش».
اقرأ أيضًا| النجم العالمي مينا مسعود: «أتمنى التمثيل أمام يسرا وعايز أعمل عكس عمر الشريف»|فيديو
تابع: «الصورة اللي تحت بعد كل اللي فات والتعب والمجهود الكبير جدا ربنا كرمني كرم كبير جدا وميزني من وسط فنانين كتيرة جدا، وخلاني أكون واحد من أهم نجوم العالم العربي، الموضوع كله صدقني في (الطموح) لو إنت بتحب نفسك ومؤمن بنفسك وعندك الإصرار إنك هتوصل لمكان إنت مش فيه دلوقتي صدقني هتوصل بس تصدق نفسك ومفيش حاجة اسمها (حظ) دي كلمه محصلتش معايا».
واستكمل :«مع حبي للموسيقى وطموحي وأنا ماشي فيها في واحد معايا في نفس الصورتين وهو أخي وصديق العمر والموزع الموسيقي وعازف الكيبورد الأستاذ محمد سمير، هو كمان طموحه كبير جدا وابتدي معايا في الصورة اللي فوق لحد ما بقي أحد أهم موسيقيي مصر وبيلعب مزيكا مع أهم نجوم عالمنا العربي، ولسه مكمل معايا من 23 سنة لحد الآن وهو مدير فرقتي الموسيقية».
وانهي رامي صبري : «عاوز اقول في الاخر طموحك وحبك لنفسك هايوصلك . ماترميش شماعه الظروف علي نفسك وتقول ظروفي وحظي وتدخل في مود مش هايوصلك لحاجه هاتوصل هاتوصل صدقني اشتغل علي نفسك اوي وحط في نفسك انك اهم واحد في العالم ولازم الناس كلها تعترف بيك . واول ما هاتنجح كله هيجري وراك ويسقف لك الفرق بين الصورتين ( الطموح فقط)»
