«يا رسول الله» قصيدة للشاعر عبد الباسط الغرابلي
يا رسول الله يازين
يا شفيعنا يوم الدين
عليك صلاة الملايين
جيت ومشيت (الإثنين)
وجميلك ما حاننساه
وده كله بفضل الله
٠٠٠٠٠٠٠
نورك غطى الأوساط
وظهر قبل البدايات
ورسالتك م السموات
خوفت كتير أغوات
خليتهم قالوا الآه
وده كله بفضل الله
٠٠٠٠٠
يارسول من عليين
يارحمة ٠٠ للعالمين
ياضمير البنى أدمين
بنحبك دنيا ٠٠٠ ودين
علشان بقى فيه مساواة
وده كله ٠٠٠ بفضل الله
٠٠٠٠٠
عند الحوض ٠٠ مستنينا
م الكوثر راح تسقينا
وشفاعتك توصل لينا
وموصى المولى علينا
يقبلنا من ٠٠٠٠٠ رعاياه
وده كله ٠٠٠٠ بفضل الله
٠٠٠٠٠٠
يارسول ولكل الناس
قرآنك ٠٠٠ لينا نبراس
والسنة طريق وناس
سيرتك ع العين والراس
حاتعيش فينا أحلى حياة
وده كله ٠٠٠٠٠ بفضل الله
