أنا التايه مابين الخلق
مش عارف أراضيهم
ولا عارف أنافقهم
ولا قادر أراضيهم
وشايل هم أيامهم
وعن همي بخبيهم
بيدعونيى ف أحزانهم
وأفراحهم تكون ليهم
أانا التايه ما بين الحق والواجب
ومهما اعمل
لا انا مشكور ولا عاجب
أنا اللي بحب كل الناس
وطول عمرى ببات مغلوب
وباجى كتير على نفسي
وفاكرين ان انا أيوب
وقدامى جبال م اليأس هداني
وبستحمل
وبكتم كل أحزاني
وبشكى لربنا وحده
ياريت الهم ينساني
ومهما آسيت بدوس ع اليأس
مهما يكون
واداوى جرح أيامي
وكل الصعب عندي يهون
ولا اعرف عمري يوم أكذب
ولا اعرف اخون
وعايش دنيتى واضح
وقدامى الحياه
ميت لون
أنا مكتوب لي اعيش عمرى
غريب ف الكون
