مكسوفه ليه ؟
ما أنا اللى ضفرت
كل الجدايل من زمن
شعرك ده مغسول بالدموع
وعيونى كما البير الغويط
واصل كدا حد السحاب
وما فيش بيبان متقفله
بدأنا سوق الفضفضه
سوقنا الهبل ع الشيطنه
أوعى فى يوم تتكبرى
لمى العمم من ع الرؤوس
وقشرى فى البرتقان
وتعالى زورى الأوليا
فى الحاضره كام درويش
بس بلاش كدا تصرفى
الناس وطلعت للقمر
وأحنا اللى قاعدين
ع الرصيف
حمص حلاوه شعبطه
ما حفظنا حاجه م الكتاب
والكل يفتى بدون سبب
ما هى ناس عجب
عجب العجب
الشعر موزون بالوتد
ومعاه سبب
آه م الحبيب
والضحك لو من غير سبب