فايتنى مع الليالي سنين
عزمت الهجر ف سكوتك
وترجع تانى تجرحني
تكدبنى وتدبحني
وانا اللى صبرى فاق الحد
لا بينساك ولا يفوتك
يا جبروتك..
فرحت لما شوفتك جاي
قدومك عندى بالدنيا
لاقيت قلبى اللى مات بقا حي
وفجأة جى تلوم فيا
وانا بسمع يدوب صوتك
يا جبروتك
يارب الناس ده فيه كده ناس
تحول من حقيقة لزيف
ولا ترحم فى يوم إحساس
عاش عمره بقلب نضيف
سامحنى يا قلبى معلشي
عذبتك ومعرفشي
باينى اللى أنت صونته
سنين
جى وناوى على موتك
يا جبروتك
راح العمر منى وضعت
وأنا بحلم بلقيانا
ماكنتش فاكرة إنك بعت
وقلت ملاك ف دنيانا
حياتك عشتها بالعرض
وأنا قاعدة ف سنينى أعد
رمتلى الصبر كان قوتي
ولاكانشى ف يوم قوتك
يا جبروتك
وجايلك قلب تعاتبني
خلاص سيبني
أنا راضية
أكون غلطانة ١٠٠ مرة
ضربت وضربتك قاضية
مانيش حاساها بالمرة
خذلتنى يوم ما جيت تاني
فاكرنى هنسى أحزاني
وارجع تانى و آمنلك
روح الله يسهلك
جاى تشاور لى بورودك
يا جبروتك.. يا جبروتك.
هدى عبدالله تكتب: يا جبروتك..
