تحدثت الفنانة سارة عبد الرحمن،عن نصيحة الفنانة الراحلة دلال عبد العزيز لها وغيرها من الأمور، وذلك من خلال استضافتها في برنامج «الستات ما يعرفوش يكذبوا».
وقالت سارة عبد الرحمن عن الفنانة الراحلة دلال عبد العزيز، والتي تعاونت معها في مسلسل سابع جار: اتشرفت أني عرفتها وضافت ليا كتير خلال عشر شهور تصوير، وكانت بتسلم عليا وبتتطمن عليا وبتسألني لو أنا محتاجة فلوس، والحمد لله أني قابلت هذا الإنسان، لأنها كانت ملاك وفي مرة كنت في برنامج وقلت بالغلط سني، ونصحتني ما أقولش سني ولا أعرفه لحد وفعلًا الأجيال اللي قبلنا كانت بتلتزم بكده.
اقرأ أيضا سارة عبد الرحمن: «اشتغلت حاجات كتير علشان يبقى معايا فلوس»
وكشفت سارة عبد الرحمن النصائح التي قدمت لها وأخذت بها، قائلة: في حد قال لي خليكي لطيفة مع كل الناس لأنه سهل يحصل عدائات والسوق مش سهل وأنا كنت عصبية خاصة أن الواحد وهو صغير بيتعرض لاستفزاز والممثلين الصغيرين بيتهدلوا علشان كده محتاجين ضبط نفس وصبر وأمل.
وكشفت سارة عبد الرحمن أنها تأثرت جدًا بشخصيتها في مسلسل سابع جار، قائلة: الشخصية علمتني حاجات وخدت منها حاجات والشخصية كانت يتعمل اللي هي عايزاه وأنا مختلفة رغم أني عندي تمرد لكن بعمل حساب لأهلي لكن المختلف أن الشخصية كانت مصرة وبتعبر عن نفسها طول الوقت وخدت منها حاجات كتير.
