قامت إدارة موقع يوتيوب بحذف أغنية "يمكن خير" للنجم رامي صبري، وذلك بسبب اتهام النجم عمرو مصطفى له بسرقة لحنها منه.
اقرأ أيضاً - إيساف يستعد لطرح أغنية «شكراً»
وكان قام الفنان رامي صبري بالرد على تصريحات الفنان عمرو مصطفى الأخيرة، حول أغنية يمكن خير، والتي كشف فيها أن لحن تلك الأغنية مقتبس من أغنيته رقصة.
وتابع رامي صبري، خلال حلوله ضيفًا عبر برنامج "أجمد 7"، أن عمرو مصطفى من المفترض أنه صديقه.
وأضاف: "عمرو هو عِشرة كبيرة ومن المفترض أننا أصدقاء لكن طريقته مش عجباني ومستغرب منها جداً، وقال إني سرقت ورامي صبري مش هيسرق وأنا فنان والمبدع الحقيقي لا يسرق".
واستكمل: "كلام عمرو مصطفى يدينه وعيب إن ملحن كبير ومحترم يقول على فنان تاني مفروض أنه ملحن ومطرب مش صغير يتكلم عنه بالشكل اللي مش حلو أنا لو مركز معاه هيتحاسب على كلامه بالقانون، لكن يفرق معايا الجمهور ومش هرد عليه بطريقته وأقوله ربنا يهديك واشتغل واعمل حاجات جديدة وركز في شغل حلو، والكلام ده صغير وعيب يطلع من فنان كبير زيك".
وفي نفس السياق قال رامي صبري: أنا عامل أغنية يمكن خير في سنة 2013 بعد الثورة، وهي لحد من أسبوعين كانت رقم 1 قعدت 4 شهور رقم واحد .
وتابع: مش رامي صبري اللي يسرق لحن ولو هو يعرفني كويس مش هيتهمني الاتهام ده وممكن يكون فيه توارد أفكار وفيه 10 ألحان ممكن يكون فيهم جملة شبه التانية.
وجاءت أغنية يمكن خير من كلمات أحمد علي موسى، ألحان رامي صبري، وتوزيع ومكس وماستر طارق توكل.
