وهناك على ناصية كلام
خارج حدود الشرنقه
أنا قلبي بات يستنظرك
كان الزمان واقف معاك على إمته
شاور لبنت صغيره
حلت ضفاير حلمها
شافت كلامه جنته
على كفها وشمت بنارها سكته
ياااا بختها
طول عمرها عاشت بتحكي إنها
تحلم بيوم ما تلتقيك
وياما دابت وانتشت
وياما اتسرسبت
صبحت حروف،
صبحت كلام
يا واش يا واش
مابدهاش
الحلم لازمن ينجلي
يسكن في أسراب اليمام
والصبر خير
كلمة بتعلى في المدى
بصوت جدتي
وفي حجرها يا دنيتي.
وصبرت أنا
وياما طالت سكتي
مستنظرة
يوم ما تهل بطلعتك
تئنس بضيك غربتي
تكتب شهادة نصرتي
ومعاك هتبدأ رحلتي
خارج حدود الشرنقة
