ياسندي وكل ماليا
يا أرض بحب مرويه
يا فرحه فوق جبين الورد
ومرسومه بحرفيه
ياسيد الكل ياغالي
يا شمعه في ضلمه بتلالي
يا ريس فوق جميع الناس
تراب رجلك دا فوق الراس
ياغالي عليا يا ابويا
وفوق رأسي وجودك ماس
بحب حب..
مال الحب عاجز يابا عن فهمه
دا انا في حبي لازلت بريئ
وحبك تهمه بتشرف
وفرحان يابا انا بحبك
يا فارد كالبساط قلبك
بحبك يابا والله
ياسندي وكل ماليا
يا فرحه اتمكنت مني
ورسمت ع الجبين صور
وفوق الشفه كام بسمه
أبويا دي كلمة تملى كنوز
ولاجلك بعشق الكلمة
ياضي العين وفرحتها
يا شمس الكون يا دنيتنا
قمر بينور الكوكب
وأساس وعمود رفع بيتنا
دي لعيوني ملامحك ضي
يا كل الخير وكل الجاي
دا والله يا ابا مالك زي
يا ساكن دمي ووريدي
ياحب كبير بينصرني
وبهزم كل أهل الشر
ويضحك لما بتزورني
حبيبي أنت وعكازي
ولا عمرك بتكسرني
«أبويا» قصيدة للشاعر أيمن عصام الديب
