كشفت الفنانة عارفة عبد الرسول عن الصعوبات التي واجهتها خلال مشاركتها في عملين مختلفين في رمضان 2023 وهما، بابا المجال، والأجهر.
وقالت عارفة عبد الرسول، خلال لقائها ببرنامج واحد من الناس: فكرة إنى أعمل عملين فى وقت واحد صعبة جدًا بالنسبة لى فى مسلسلين الأجهر وبابا المجال فى وقت واحد، وكنت أخلص الفجر من بابا المجال وأطلع على المطار أسافر أعمل مسلسل الاجهر وأرجع آخر النهار على بابا المجال.
وعن أقرب الأعمال إلى قلبها، قالت عارفة عبد الرسول: لا تطفيء الشمس والميزان واللعبة، موضحة أن دورها فى فيلم عيار ناري من الأدوار المهمة، للمخرج كريم الشناوى وقدمنى كبطلة.
عارفة عبد الرسول تكشف حقيقة معرفتها بمقلب برنامج رامز جلال 2023
وأضافت عارفة عبد الرسول: لم أخف من تجربة الإعلان وجت بالصدفة برضوا واتفقت معهم وأرسلوا لي الأغاني، وأنا مش فى دماغى، وفوجئت بيقولى لي تعالي علشان تسجلى الأغانى بصوتك، فروحت وعجبهم، وجابولى مدربة رقص علمتنى رقصة الإعلان راب، وانا مش بحب العكننة، ولازم أضحك زوجى، وكان كل ما ينكد عليا أقول الصبر من عندك يا رب وأسكت لحد ما يهدى خالص.
واستكملت الفنانة عارفة عبد الرسول: دخلت فنون جميلة بالصدفة، بسبب زميلة لي كانت بتعمل كل وسائل الايضاح الخاصة بالمدرسة، وقالت لى تعالى معايا فرحت معاها وأنا نجحت وهى سقطت فى اختبار القدرات، ولما روحنا سألنا قالوا لي إنتى عملتي حياة للوحة اللي رسمتيها، والعيلة كلها أطباء وأوائل الثانوية العامة.
وأضافت: "انا انسانة مسرفة جدا فى حياتى وجوزى هو اللى ماسك مصروف البيت وانا باخد منه مصروف، واتمنى تقديم مسلسل اللعبة بطريقة تانية، واتكلمت مع شيكو وهشام ماجد، انا عاوزه اعمل مطاردة بالعجل واركب عجلة، واتمنى التمثيل امام احمد حلمى واحمد مكى، ولم أحزن على تأخر النجومية ربنا له احكامه فى ذلك، والشاعر الكبير سيد حجاب قال عليا انى اختراع، وعامل السن لم يوقفنى عن تحقيق ذاتى.
وقالت عارفة، لساني بيسبق عقلي، ولا أرد على الناس اللى بتوجه لى اهانات على السوشيال ميديا ، ومش لازم يكون للفن رسالة، ودى مش وظيفة الفن، الفن بيفتح ويطلق آفاق للخيال.
وبالنسبة للحيوانات: أنا مش بخاف خالص من أى حاجة، وعندى فوبيا من الثعابين، لان فى مرة الاولاد كانوا بيصرخوا من ثعبان فى الشارع وأنا روحت قتلته لخد ما جه حد من الشيوخ اللى بيطلعوا الثعابين دول وقال لى امه مش هتسيبك لحد ما تقرصك وده عملى فوبيا، وعن مستقبلها الفني قالت: أنا عاوزة اعمل أدوار غير تقليدية، يعنى دور أم غير اللى بتشوفها فى الدراما، أدوار أم شريرة.
