عرض فيديو كليب بأغنية "شكرا" للفنانة أصالة، مشاهد من إنجازات الدولة المصرية في عهد الرئيس عبدالفتاح السيسي، كما احتوى مجموعة من المواقف جمعت المواطنين والرئيس.
وقال الرئيس السيسي لسيدة عجوز أثناء مروره بإحدى الطرق: «متعيطيش، اوعي تعيطي أمال إحنا موجودين ليه، محدش يعيط ويعينا ربنا».
وقال الرئيس السيسي لسيدة أخرى: «إزي صحتك مش عايزة حاجة؟، لترد عليه قائلة: «ربنا يخليك لينا يا سيادة الريس، عايزاك دايمًا أحسن من أي حد».
وقدم المصريون رسائل شكر للرئيس عبدالفتاح السيسي، على كل ما يقدمه لمصر من إنجازات ومشروعات، معلقين على الأزمات التي مرت بها مصر الفترات الأخيرة.
وقال مواطن: "الرئيس السيسي لما مسك الحكم مشتغلش علشان فرد معين، اشتغل على كل طبقات الشعب، وعمل إنجازات لـ30 و50 سنة قدام"، فيما قال شاب ثاني : "الرئيس السيسي أكيد عاوز مصلحتنا ومصلحة الدولة كلها".
وأكد شاب آخر: "طبعًا واثق في الرئيس السيسي لأنه جه في وقت صعب جدًا وكمان هو أمين جدًا".
وتابع آخر: "الرئيس مجتهد جدًا وشغال 24 ساعة تقريبًا، كمل وإحنا معاك يا ريس، ونتمنى نشوفك يا ريس".
ووجه شاب مصري آخر رسالة للرئيس السيسي قال فيها: "ربنا معاك يا ريس استمر إحنا كلنا في ظهرك وإن شاء الله الخير قادم".
وأكد مواطن: "البلد اتغيرت 180 درجة من كل حاجة من ساعة من الرئيس ما مسك البلد".
وأضاف: "العاصمة الإدارية الجديدة إنجاز من إنجازات الرئيس، حتى شوارع مصر اتغيرت للأفضل، أنا بمشي في وسط البلد فخور إن دي بلدي"، متابعا: "أتمنى أشوفه وأسلم عليه وأقوله ربنا معاك وينصرك".
ووجه شاب مصري رسالة شكر للرئيس قال فيها: "بشكر الريس على الدعم اللي قدمه وحياة كريمة اللي عملها للمصريين".
وقال شاب آخر: "كمل يا ريس وإحنا معاك وفي ظهرك".
وأكد شاب آخر: "الوضع دلوقتي بقى أحسن وكل الناس بتغير مننا، وأحب أقول للرئيس السيسي كمل وإحنا معاك".
وقال آخر: "كمل المسيرة والإنجازات اللي حضرتك عملتها شايفين كباري وطرق وصحة ومشاريع قومية".
وأكد مواطن آخر: "الرئيس راجل بطل، عامل بنية تحتية فوق الخيال، مفيش حتة مش شغال فيها، وبقوله متشكر جدًا".
و قال أحد المواطنين: «من ناحية كورونا والأزمات العالمية لو بصينا لمصر مفيش دولة زيها في العالم».
فيما قال آخر: «ربنا يعينك علينا يا ريس ويصلح حال البلد»، وقال ثالث: «طلبنا منه وكلفناه يوم 30/6 ينزل يحمي شعبه ونزل وقدرنا نرجع بلدنا من فرقة كانت مغتصباها يوم من الأيام».
وقالت سيدة أخرى: «كنا عايشين في منطقة أبو رجيلة بين الزبالة، وجينا دلوقتي حي الأسمرات في مكان أنضف وأرقى، وكل الخدمات متوفرة من مدرسة وكنيسة وجامع وكل حاجة كويسة، وشكرا للرئيس على الحياة الكريمة اللي بنعيشها»، وقالت أخرى: «لازم ما نبصش تحت رجيلنا بس ونبص لقدام ونبص لعيالنا وإن شاء الله هنعدي».
وقال أحد المواطنين: «التطوير الموجود في البلد كل الناس حاسة بيه، من طرق وكباري وتبطين ترع وحياة كريمة ومبادرة 100 مليون صحة، والمساكن اللي اتعملت مكان العشوائيات والقرى في الصعيد، والناس اللي كانت معندهاش صرف صحي ولا غاز ولا كهرباء، ودلوقتي عايشين في بيوت آدمية نضيفة وأثاث نضيف، كلنا في ضهر الرئيس وبنقوله خليك معانا ومتسبناش».
وقال شاب: «كفاية الأمن والأمان اللي في البلد وكلنا في ضهرك وداعمين ليك يا ريس»، وقالت سيدة: «بدعي في كل صلاة بقول ربنا يخلي الرئيس لينا وما يحرمناش منك وبقول ربنا يجعل يومي قبل يومك».
اقرأ أيضا: هندعم السيسي لـ «2030».. هاشتاج يتصدر تويتر
