حققت أغنية "هموت من غيرها" للنجم رامي صبري أول مليون مشاهدة خلال 24 ساعة.
"هموت من غيرها".. تم طرحها أمس عبر موقع الفيديوهات الشهير "يوتيوب" وعدد من المنصات الإلكترونية.
"هموت من غيرها" من كلمات أحمد الماكي وتوزيع موسيقي أسامة الهندي.
ووصف رامي صبري الأغنية بأنها دراما قائلا: "هي أغنية دراما تقطيع، مش تقطيع أوي دراما خفيف، اسمعوها كتير أوي".
وكشف رامى أيضا أن الأغنية تنتمى لنوعية الدراما الخفيفة، مشيرًا إلى أنه بعد طرح هذه الأغنية، سيستعد لطرح أغنية أخرى تزامنا مع الاحتفال بالفالنتين.
واحتفل رامي صبري بتخطى الأغنية المليون الأول في مصر والوطن العربي ونشر عبر حسابه الرسمي بموقع الصور والفيديوهات الشهير "إنستجرام" صورة لبوستر الأغنية وعلق عليها قائلا: "مليون مشاهدة وترند يوتيوب مصر والعالم العربي".
وجاءت كلمات الأغنية: "هموت من غيرها بتقول .. أوقات الحاجة اللي في ايدنا .. اللي احنا عليها اتعودنا بنقول إنها مضمونة وباقية ومش هتروح
وانا دايما كنت بعيد عنها قال إية فاكر نفسي ضامنها ، مش عارف إني سايبها كتير قلبها مجروح
وانا بغلط كانت بتحذرني تقولي بلاش ، هيجيلك يوم فعلا تخسرني مبسمعهاش
ونسيتها وعمري ماكنت بحافظ على مشاعرها والقلب القاسي أهو خسرها
وهموت من غيرها... هموت من غيرها.
أنا عايش تاية في الدنيا ، عمرها ماسبتني ولو ثانية
وحشاني بجد ونفسي أشوفها وخايف أقول
ودي مش عايزاني في دنيتها من كتر القسوة اللي شافتها
أهي راحت مني وبعدت عني وانا المسئول
وانا بغلط كانت بتحذرني تقولي بلاش ، هيجيلك يوم فعلا تخسرني مبسمعهاش
ونسيتها وعمري ماكنت بحافظ على مشاعرها والقلب القاسي أهو خسرها
وهموت من غيرها... هموت من غيرها".
