حبيبة جمال
في عصر السوشيال ميديا والذكاء الاصطناعي مازال بعض ضعاف النفوس وضعاف العقول يستعينون بالدجالين ويطرقون باب الخرافات والشعوذة.. فمن يصدق أن عاقلا لايزال يؤمن أن الخير من الممكن أن يأتيه من أيدي هؤلاء مثلهم لا يضر ولا ينفع؟!، بل والأدهى يذهب إليه حاملا العطايا والهدايا والأموال – طامعًا وهمًا ومرضًا-لتغيير قدره في سلوك يتنافى مع العقل والمنطق وكل الأديان السماوية.. «أخبار الحوادث» في هذه المغامرة الصحفية ومن خلال مكالمات مثيرة وشات تحدثنا مع احد هؤلاء الدجالين في صعيد مصر، والذي نجح على مدار سنوات طويلة في خداع ضحاياه وممارسة أعمال الدجل والشعوذة مما مكنه من تحقيق ثروة طائلة.. وإلى التفاصيل.
البداية كانت مجرد منشور عبر الفيس بوك، يلفت انتباهنا، تقول صاحبته: «أنا أختكم سمر دكتورة أسنان من سوهاج، عندي ٤٢ سنة، والحمدلله على خلق بشهادة كل الناس وعلى قدر كبير جدا من الجمال، كان بيتقدملي ناس كتيرة جدا وأنا في المرحلة الثانوية لكني أصريت على استكمال تعليمي، وبعد التخرج لاحظت إن مافيش عريس واحد بيدخل البيت وبدأ العمر يتقدم بي، حتى وصلت لسن ٤١ سنة بعدها اعجب بي طبيب زميلي أكبر مني بسنتين فكان مناسب جدا، لكن الغريبة إنه كل ما يحاول يتقدملي حاجة تعطله فاستغربت جدا لدرجة إنه كان جاي عندنا مرتين وحصلت له حادثة، فاتصلت به عشان اطمن عليه فقالي الموضوع كده مبقاش طبيعي، فقعدت أبكى لحد ما قرأت على الفيس قصة واحدة بتشكر في شيخ عالجها من سحر العقم؛ اسمه (....)، معالج بالقرآن، فرحت جدا واستبشرت خير وبسرعة اتصلت به وقالي: عندك سحر تعطيل زواج سفلي بالجن العاشق معمول من أكتر من ٢٢ سنة ويتجدد كل ستة أشهر، وبدأت معاه خطوات العلاج، وقالي متخليش أي حد يتقدملك إلا بعد أسبوعين من العلاج، وفعلا بعد أسبوعين اتصل بيا الدكتور زميلي وجه اتقدملي والموضوع تم على خير واتجوزنا وأنا دلوقتي حامل في الشهر التالت وحابة أشكر فضيلة الشيخ». ثم كتبت من تدعي انها طبيبة أرقام هاتفه والصفحات الخاصة به.
«لازم نكشف الأول»!
والآن تبدأ مغامرتنا؛ أن تقتحم عالم السحر والشعوذة لمعرفة ما يدور داخل هذا العالم، وكشف ما به من أكاذيب واستغلال الناس؛ كيف استطاع هذا المحتال أن يقنع شابة – على كلامها -درست في كلية لا تؤمن إلا بالعلم وأصبحت طبيبة – في حالة افترضنا أن كلامها حقيقة وأنها طبيبة بالفعل-وتعاملت مع هذا الدجال الذي تروج له على صفحتها على الفيس.
قبل الاتصال بهذا الشخص، دخلنا على صفحاته حتى نعرف تفاصيل عنه أكثر قبل التواصل معه شخصيًا، فلم نجد سوى منشورات لأشخاص يشكرون فيه وتقريبا يقولون نفس الكلام، فأدركنا أنه لا مفر من الاتصال به شخصيًا الذي كان هاتفه متاحًا ولما لا يكون كذلك؟، ودار بيننا الحوار التالي:
أنا: ألو سلام عليكم
هو:- وعليكم السلام ورحمة الله وبركاته
أنا:- باتصل بحضرتك.. عندي مشكلة
هو:- أهلا وسهلا.. مين معايا ومنين حضرتك
أنا:- اسمي أميرة من القاهرة
هو:- ايه مشكلتك؟
أنا:- أنا عندي ٣٥ سنة
وقبل أن أكمل كلامي سألني هو أنتي آنسة؟، فأجبت بنعم، فتابع قائلا:- رقمي ده عليه واتساب، عايزك تتصوري صورة ليكي دلوقتى حالا وتبعتهالي وقوليلي اسمك ثلاثي وخمس دقائق واتصلي بيا مرة تانية.
بالتأكيد لا يمكن أن أخاطر وأرسل له صورتي، فأخبرته أنني لا أرسل صوري لأحد، فقال لي أعطيني اسمك ثلاثي، فأخبرته باسم مستعار اتيت به من خيالي.
فقال: دقيقة واتصلي بيا تاني أكون كشفت على الاسم.
أغلقت المكالمة وأنا أسأل نفسي، ماذا يقصد بالكشف على الاسم، لم احتر كثيرًا فبعد مرور 60 ثانية اتصلت به مرة أخرى.
فقال لي بعد أن أتى بالتشخيص اليقين:- «عندكسحر تعطيل كلي يا أميرة، معطل كل مجالات حياتك تماما؛ الزوجية والصحية والنفسية، السحر ده معمول بالنفور التام والجفاء التام واختلاق المشاكل على أتفه الأسباب، وده معمول من أكتر من 10 سنوات وبيتجدد كل ستة شهور.. وقف حال تام»!
أنا:- هل ممكن أعرف مين عمله ولا صعب؟
هو:- مين عمله دي بنتكلم فيها بعد الخطوة الأولى عشان متبوظيش التقييد اللي هنعمله.
أنا:- ايه المطلوب مني؟
هو:- كل المطلوب من حضرتك نلحق الموضوع قبل فوات الآوان.. ركزي معايا عشان لو ضيعتي الفرصة دي مش هتعوضيها تاني طول ما أنتي عايشة، عشان ربنا ما يجعلك ذنب في رقبتي.. كل المطلوب أني بسرعة قبل ما يجددوه في خلال ساعة بالظبط من الآن اعملك حاجة اسمها تقييد التجديد؛ بحيث إن الحاجة دي متتجددش تاني مدى الحياة وينقلب على اللي عملته إن شاء الله، وحضرتك في خلال الساعة دي بتكوني دفعتي تكاليف الاشتراك عن طريق فودافون كاش من أي ماكينة فوري وبعدها تتصلي بيا تاخدي العلاج، وأقل اشتراك عندنا ألفين جنيه، مافيش أي تكاليف تانية نهائي لحد ما يتم الشفاء تماما وبتابع معاكي لحد بعد الخطوبة والجواز والحمل والسبوع، وبعدها الحلاوة أمانة في رقبتك أمام الله عز وجل، علما عشان تبقي عارفة العلاج اللي هتاخديه نفس العلاج اللي أخده واحدتاني دفع ألف دولار يعني ٥٠ ألف جنيه مصري، عشان تبقي عارفة أنا سايب أد ايه ومكلف أد ايه لوجه الله تعالى عشان ظروفك.. دقيقة بالظبط واتصلي بيا أكدي عليا لو ناوية على الاشتراك.
اقرأ أيضا : دجل وشعوذة.. شيخ بالأزهر: اعتداءات تحدث للسيدات بحجة إخراج الجن.. فيديو
أنهيت المكالمة وأنا أفكر فيما قاله، فأنا لم اقل له سوى أني لدي مشكلة لا أكثر ولا أقل، فلماذا ربطها بالزواج، وبدأ يبني كلامه على هذا الأساس، نفس حديثه مع صاحبة المنشور المزعوم الذي قرأته عمل سفلي ويتجدد كل ستة أشهر، دفعني الفضول الصحفي أن أعرف أكثر عن هذا الشخص، وفي نفس الوقت فهو قليل الكلام، وبالتأكيد لم أرسل له هذا المبلغ، فقررت الاتصال به مرة أخرى ومحاولة استدراجه في الحديث وإقناعه بأنني أشعر بالقلق والخوف.
تحويلات بنكية!
ودار بيننا حديث آخر..؛
أنا:- معلش يا شيخ أنا تواصلت مع والدتي لكي تحول لك المبلغ، لكن أنا وهي خايفين لأننا روحنا لشيوخ كتير ومفيش فايدة.
هو:- لا يا أختي قولي لها أنتي بتتكلمي مع (....)، يعني انسي خلاص كل اللي فات كوم واللي جاي كوم تاني.
أنا:- أمي عايزه تطمن، فبتقولي حتى على الأقل يقولنا مين اللي عمل العمل ده.
هو:- لو قولت مين يبقى التقييد كله هيبوظ ويتجدد تاني بكل سهولة.
أنا:- أصل بتقولي احنا اتنصب علينا كتير.
هو:- خلاص أنا نصاب شوفي شيخ غيري مافيش مشكلة. أنا ماليش دعوى بغيري، دي ناس مبتعرفش ربنا، أنا بشتري ثواب ربنا وفي نفس الوقت بشتري مكسب الناس وانتي لما تشوفي معايا نتيجة كويسة هتجيبي خالتك وعمتك وهتجيبي الدنيا كلها.
أنا:- ممكن حضرتك تقولي نماذج جت لحضرتك وتم علاجهم؟!
هو:- أنا عندي آلاف الحالات، هبعتلك على الواتساب آلاف الحالات باعتين رسايل شكر وتقدير.. عشان ألحق أعمل التقييد قدامك بالظبط خمس دقايق وتأكدي عليا وإلا التقييد كله هيبوظ... وبعدها خلال نص ساعة تبعتيلي ٢١٠٠ جنيه صافي، وابعتيلي على الواتساب هبعتلك اشتراكات بتبدأ من خمس آلاف جنيه لـ عشرين ألف جنيه عشان تعرفي أنا عملت معاكي ايه لوجه الله تعالى.
وبعدما أنهيت معه المكالمة، أرسل لي عبر الواتساب اسكرين شوت لتحويلات بنكية من أشخاص له، كما أرسل «سكرين شوت» لبعض المنشورات التي كتبها الناس له، ومحادثات صوتية أيضا،الكل يشكر فيه وأنه ساعدهم على العلاج، كان من الممكن أن أكتفي بهذا القدر من الحديث معه، فأي شخص عاقل يصدق أنه من مجرد اسم سيعرف هذا الشخص الأسرار عنه، وحتى الاسم لم يكن صحيحًا، فنحن لسنا بحاجة للتأكيد بأنه نصاب، لكن مازال الفضول يفرض نفسه والأسئلة الكثيرة تراود عقلي، أريد معرفة تفاصيل عنه مكانه، وظيفته متى يعمل في هذه المهنة؟.. فقررت الاستعانة بصديقة لي تتواصل معه هاتفيا وكأنها هي والدتي وتريد أن تطمئن أكثر وتسأل كل هذه الأسئلة، وبالفعل أعطانا معلومات كثيرة عنه نحتفظ بها.
أمي وصديقتي!
وبالفعل تواصلنا معه للمرة الثالثة، ودار هذا الحوار التالي:
صديقتي:- ألو.. ازيك يا شيخ؟
هو:- الله يخليكي.. مين؟
هى: أنا والدة أميرة اللي كلمتك
هو:- أيوه اتفضلي يا أمي
هى: معلش يا شيخنا أنا كنت عايزه أعرف حالتها بالظبط.
هو:- أولا معندناش حاجة تخالف شرع ربنا وبنراعي ربنا قبل كل شيء ودي بنتي ومش هسيبها إلا وهي أسعد عروسة وأسعد زوجة في الدنيا كلها يا أمي.. ماليش أنا أي دعوى بأي ناس مبترعيش ربنا اتعاملتوا معاها قبل كده، ده مش ذنبي.
هى: طب لما كشفت عليها ايه اللي عندها؟
هو:- البنت عندها سحر تعطيل كلي معطل ومدمر كل مجالات حياتها تماما، السحر ده معمول بالنفور التام والجفاء التام، وده معمول من أكتر من ٣ سنوات يا أمي.. وده شامل الأسرة كلها لكنه مسلط أكتر على البنت.
هى: مين ده اللي عامل العمل؟
هو:- مين دي نتكلم فيها بعد الخطوة الأولى وهي التقييد.
هى: طب المفروض نيجي لحضرتك، فين مكانك؟
هو:- تشرفيني يا أمي.. بس كده كده العلاج من خلال التليفون، بعد كل اللي قولته لكي في ثقة أهلا وسهلا مافيش شوفي شيخ غيري يكون موثوق فيه أكتر مني، ولو لفيتي الدنيا كلها مش هتلاقي حد يعملك الشغل اللي هعمله، هاتيجي بعد عشرين سنة تقولي ياريتني كنت سمعت كلامك.
صديقتي المنتحلة صفة امي:- لا احنا واثقين فيك.. بس كل التعامل من خلال التليفون فقط؟
هو:- كله بالتليفون زي ما العالم كله بيتعامل معانا، لأني بعمل فك تعطيل من عندي مع تحصين بسيط بتعمليه من عندك.
هي:- معلش هو حضرتك شغال من امتى؟
هو:- من ٢٥ سنة يا أمي من فضل الله.. لكن لما أجي أخد الحلاوة هتقل عليكي بقى شوية عشان العذاب اللي عمالة توريهولي ده والأسئلة. انا عامة عملت التقييد لأن ده واجب عليا، فخليها تكلمني عشان أي تأخير النهارده وجيتي بكره قولتي عشرين ألف للأسف مش هينفع.
بعدهاالتقطتأطراف الحديث، فقال لي: والدتك ارتاحت واقتنعت، فـ بسرعة حولي لي المبلغ لكي أبدأ في التقييد.
أنهيتمعه الحديث، وفي المكالمة التي دارت بينه وبين صديقتي اقتنعت تماما أنه ليس فقط محتالا بل أيضا كذابا، في الأول أخبرني أن السحر معمول منذ ١٠ سنوات، وعندما كلمته صديقتي على انها اميقال لها أنه منذ ٣ سنوات، في نفس المكالمة أخبرها أنه بالفعل بدأ في عمل التقييد لأن هذا من واجبه، وعندما حدثته قال؛ أنه سيبدأ فيه.. هنا تذكرت الحكمة التي تقول: «إذا كنت كذوبًا فكن ذكورًا»، أي تذكر ما قولته في السابق.
اعتقد أنه من الواضح للجميع بأنه نصاب، ولو كان يعلم الغيب والأسرار بمجرد أن أخبرته باسمي فقط، فلماذا لم يكشف صديقتي ويعرف أنها كاذبة وليست والدتي؟!، وكيف تتم عملية فك السحر عن بعد؟!، هل أعمال السحر وفكها تطورت هي الأخرى بتطور التكنولوجيا؟!.. وبهذا تكون المهمة انتهت، وما قمت به ما هو إلا إثبات طريقة النصب الجديدة التي يستغل فيها النصابون والدجالون والمشعوذون أوجاع الناس وضعف نفوسهم وراء تحقيق الأماني.
