باحسك زى جنيه
بترمى شعورها فوق كتفى
فتحضنى وبتدفى
تدوب أيديها فى كفوفى
عيونها تحكى حدوته
بلاقى فيها بنوته
حلوه وأحلى م التوته
أعيش وياكى أيامى
بلون وردى
يدوب القلب والإحساس
وضحكايه وبدر بدور
رموش سارحه
تلم عذابى والأوجاع
وترميهم فى قلب البير
باشوف الشمس ف جبينك
تنور ليا كل الكون
تحقق كل أحلامى
ونسهر ويا قمرايا
وأحسك بطله للحواديت
كليوباترا
وعبله كمان
دليله حبيبتى وأنا شمشون
ساعات تبقى يا روحى إيزيس
وباتحدى ملوك الجان
ولا ليكى عليا يمين
باحبك موت
