كل يوم خبر عن سوزا.. سوزا جاى الأهلى.. سوزا مش جاى.. سوزا ممكن ييجى وجايز ميجيش.. سوزا نفسه ييجى الأهلى قوى ويقدم نفسه عن طريق الدورى المصرى بس منه لله مدربه رافض.. هذا الـ ''سوزا'' نافخ دماغ الجمهور والنقاد والصحفيين كل يوم فى الجرايد والبرامج والنوايا ميديا، وكل ثمنه فوق النص مليون دولار بس.. وبصراحة أنا لم أشاهده بس المثل بيقول الغالى ثمنه فيه.. ولو فيه كان زمانه فى حتة تانية على رأى سيف البرامج الرياضية المسلول.. طيب يا سيدى هى العملة الصعبة صعبة ليه على سوزا مادام كولر إللى فارد عضلاته على الإدارة عايزه، رغم إننا شفنا العملة سهلة مع غيره.. طيب لو بعد الهيصة دى حضر النجم السوبر سوزا واكتشفنا أنه لا سوبر ولا سورى ولا حتى حمص.. هنقول إيه للأهلى بعد ما شفناه سوزى.
إبراهيم ربيع يكتب : « خربشة »
