أشاد الفنان محمد هنيدي بالمخرج سعيد حامد، مؤكدًا أنه أضاف الكثير للسينما المصرية، وأنه من أهم مخرجيها.
وكتب محمد هنيدي منشورًا على حسابه الرسمي بـ "فيسبوك"، قال فيه: المخرج الكبير سعيد حامد صاحب مجموعة من أهم الأفلام في تاريخ السينما العربية.. صعيدي في الجامعة الأمريكية، همام في امستردام، شورت وفانلة وكاب، جاءنا البيان التالي، وغيرها من الأفلام الناجحة اللي كانت السبب في عودة الروح للسينما المصرية، وفتحت طريق أمام فنانين شباب أصبحوا دلوقتي أهم نجوم الفن في الوطن العربي.
وأضاف محمد هنيدي "سعيد حامد كان السبب الأساسي في تحويل الصوت في مصر من نظام الصوت المونو إلى نظام الصوت المحيطي دولبي 5.1، وأصر في الفترة دي أنه يدخل التقنية دي مصر، رغم الصعوبات وقلة الإمكانيات كان بيقدر يوفر جزء من ميزانية الفيلم للارتقاء بشريط الصوت والسفر إلى أوروبا عشان يقدر ينفذ المراحل النهائية لشريط الصوت بتقنية الدولبي 5.1".
واختتم هنيدي حديثه قائلًا: النهاردة وبعد أكتر من 20 سنة بيرجع سعيد حامد بفيلم جديد "مرعي البريمو" عشان يقرر ينقل الصوت في مصر من تقنية 5.1 إلى تقنية الدولبي اوتمس المذهلة اللي بتوفر للمشاهد تجربة صوتية غير مسبوقة بتخليه يشعر وكأنه جزء من العمل الفني، تحية كبيرة للفنان الرائع سعيد حامد.
