علق مرتضى منصور رئيس نادي الزمالك على فوز الأيبض في البطولة العربية برباعية دون رد على الاتحاد المنستيري، وما تردد عن انسحاب الأهلي من بطولة كأس النخبة المقرر إقامتها في الإمارات.
وقال مرتضى منصور عن انسحاب الأهلي من كأس النخبة: "مع السلامة والقلب داعيلك"، مضيفاً: "بعدين المسمى مش سوبر خالص، اللي عايز يقعد يقعد، واللي عايز يجيب بحة يجيب، واللي عايز يغيره يغيره”.
وتابع في تصريحات تليفزيونية قائلا :" اللي عايز، يتعاقد مع بحة جديد عشان انكشف، وبحة دا حقيقي والدليل إنه بعد ما انكشف الأهلي معرفش يكسب ماتش، دا لعب حرس حدود درجة تانية، وبيراميدز غلبه ٣ مع الرأفة، والمصري اللي لسة مغلوب من سيراميكا ٤ مش عارف يكسبه”.
وأضاف :" في الوقت بقى اللي الزمالك الحمد لله بلاعيبته مفيش حد اتغير فاز ٤ على الاتحاد المنستيري، ربنا بعد عننا بحة".
