حررت زوجة مؤدي المهرجانات حسن شاكوش محضرًا ضده لتضررها من زوجها، وقالت فيه إنه قام بطردها من منزل الزوجية منذ أيام، واستولى على المنقولات الزوجية وشبكتها وإيصال أمانة لصالحها بديل مؤخر الصداق.
وتلقى مدير الإدارة العامة للمباحث، إخطارا من مفتش المباحث، يفيد فيه بحضور ريم صادق -28 سنة - ربة منزل ومقيمة داخل كمبوند شهير، إلى القسم لتضررها من زوجها حسن منصور وشهرته حسن شاكوش لقيامه بطردها من منزل الزوجية منذ أيام والاستيلاء على المنقولات الزوجية وشبكتها وإيصال أمانة لصالحها بديل مؤخر الصداق.
وعلقت زوجة حسن شاكوش على تأخيرها في الإبلاغ أملا في الصلح بينهما، إلا أنه أرسل رسالة لها برغبته في إنهاء العلاقة الزوجية، فذهبت على الفور لتحرير محضر له اليوم وطلبت إثبات الحالة.
وقد انهالت تعليقات رواد السوشيال ميديا ليسخروا من زوجة حسن شاكوش بعد أن سجدت في ليلة زفافها شكرا لله عز وجل على زواجها وأنه هو العوض الحقيقي لها.
فقالت دعاء: "باين من يوم فرحهم هو شخصية ربنا يعافينا وهي تستاهل علشان كانت محسساه أنه محصلش".
بينما قالت رانيا: "يا خسارة السجدة"، وعلق عادل: حسدوكى يا شابة لما سجدتى فى القاعة بفستان الفرح .قليلين الناس المؤمنة".
ولكن روكا رفض ما يحدث قائلة: "هما اللي شمتانين في مرات حسن شاكوش دول وعمالين يقوللها طيب والسجده ؟.. محطتوش نفسكم مكانها لحظة عشان تشوفوا احساسها ايه انها تتخذل منه ومن العالم كله في لحظه كده !!!".
وعلقت رحمة: ريم زوجة حسن شاكوش لما سألوها في مرة عنه قالت إنه كتير عليها وبتستناه من زمان من أيام ما كانت طفلة لما جارهم وقتها، وقالت إنه أكبر منها بكتير بس مش مشكلة عشان بتحبه وإنها مكانتش تتخيل يبصلها، وعملها فرح كبير فيه كل المطربين وسجدت في الفرح يومها. . النهارده حررت محضر ضده إنه طردها من البيت بقالها كذا يوم وأخد شبكتها وايصال أمانة كانت عاملاه بديل للمؤخر واستولى على المنقولات ! الجواز مش مجرد حد معاه فلوس هيعملنا فرح كبير ونسافر في كل حتة ونسكن في أكبر كمباوند، ولا مجرد حُب وخلاص من غير مراعاة للثوابت الأخلاقية في الشخص ده وهيحافظ عليا ولا لأ، والله وقتها لو كتبتي مليون قايمة ووصل أمانة مش هينفعوكي. وحاجة كمان .. طول ما انت شايف نفسك أقل من اللي قدامك وإنه اتكرم واتفضل عليك بحُبه ليك، توقع أي حاجه منه في الآخر".
