تواصل الإعلامية ياسمين عز، توجيه النصائح إلى الفتيات والسيدات.
وقالت ياسمين عز في تعليق خلال برنامجها «كلام الناس»، الذي يعرض عبر قناة «إم بي سي مصر»، اليوم السبت: «مينفعش كل ما جوزك يبقى معاه قرشين تاخديهم وتنزلي تعملي بروتين في شعرك».
وأضافت ياسمين عز: «ما طول عمرك عايشة بتسريحة الأناناسة.. البط بالبرتقال أفيد لجوزك من شعرك».
وكانت ياسمين عز نصحت أمس، الزوجات «سيبي لجوزك أكتر من رف.. ورتبي دولابه.. واهتموا بملاسبهم وسيبولهم رف في الدولاب عشان تاخدي حسنات.. الرجالة حاسة بقهر بسبب موضوع الرف ده».
وأضافت ياسمين عز: «ليه بتنادي على جوزك بدون ألقاب، قوليله يا أستاذ محمد تحب تشرب إيه، مفيش حاجة اسمها يا محما».
وواصلت نصائحها: «أوعي ما تكمليش آخر حرف من اسم الراجل زي ما أنت ما تقبليش ياكل آخر حرف في اسمك، هل تقبلي يكون اسمك سماح وينادي عليكي بسمااا.. قولي له أستاذ للتفخيم ومحمد للتنعيم الشتوي».
اقرأ أيضا| ياسمين عز: الرجل يسبق زوجته في المشي ليُشعرها بـ«روح الفرعون اللي جواه»
