وجهت الإعلامية ياسمين عز مجموعة من النصائح للزوجات عن معاملة الأزواج بطريقة صحيحة، داعية الزوجات إلى التفخيم من أزواجهن، على حد قولها.
وقالت «عز»، في تعليق خلال برنامجها «كلام الناس»، الذي يعرض عبر قناة «إم بي سي مصر»، يوم الجمعة: «ليه بتنادي على جوزك حاف، قولي لجوزك يا أستاذ، بلاش لو اسمه محمد تنادي وتقولي محما وتاكلي آخر حرف من اسمه، يعني ينفع لو اسمك سماح يقولك يا سما، هتعملي مشكلة وتقولي إنه بيخونك مع واحدة اسمها سما، قولي له أستاذ للتفخيم ومحمد للتنعيم الشتوي».
وأضافت، «لو جوزك مهندس لازم تحسسيه بالدفا والحنان، لأن حياته كلها مربعات ودواير ومستطيلات، ومحتاج يرتاح، قولي له الباشمهندس، وفخمي فيه قدام صحابك»، قائلة «سيبي لجوزك أكتر من رف، ورتبي دولابه، واهتموا بملاسبهم وسيبولهم رف في الدولاب عشان تاخدي حسنات، الرجالة حاسة بقهر بسبب موضوع الرف ده».
اقرا ايضا | ياسمين عز: سيبي لجوزك أكتر من رف في الدولاب
