حلت النجمة القديرة صفية العمري، ضيفة على أحدى البرامج التلفزيونية العربية الشهيرة، تحدثت خلالها عن مسيرتها الفنية، مؤكدة أنها لم تكن تهتم بالمقابل المادي على الإطلاق، وأن الفن كان الحياة بالنسبة لها.
وقالت صفية العمري، خلال لقاءها: "عملت مسلسل الأيام مع أحمد زكي في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته".
تابعت: "إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني لبس الهوانم كله والحلمية أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة".
و طالبت الفنانة صفية العمري، بحصول الفنانيين على مقابل مادي، نظير عرض أعمالهم على القنوات التلفزيونية، قائلة: إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان".
واوضحت: "المنتجين مش هتدفع من جيوبها، لكن القنوات هي اللي مستفيدة و الفنان مش مستفيد بحاجة، للأسف النهاردة فيه فنانيين كتير مرضى، هل ينفع إن الدولة هي اللي تعالج الفنان؟ أنا غضبانة جدًا'.
وأشارت صفية العمري في ختام حديثها، إلى أن مسلسل هوانم جاردن سيتي، ساهم في تنشيط السياحة في مصر قائلة: "أنا كنت قاعدة مع سيدات قالولي إحنا أول ما نزلنا مصر قولنا إحنا عايزين نروح جاردن سيتي علشان نشوف هوانم جاردن سيتي".
اقرأ أيضا:ندى بسيوني تناشد الدولة بإنتاج الدرما
