كتبت: هبة الخولي
تحدث المطرب إيساف، عن علاقاته العاطفية وسبب تأخر زواجه حتى الآن، مشيرًا إلى إنه رجل شرقي الطباع بدرجة كبيرة وهناك صفات محددة يجب أن تمتلكها شريكة حياته.
أقرأ ايضا شاهد.. كليب «إحساس الروح» لإيساف وآية خفاجة
وقال إيساف، في تصريحات تلفزيونية: أنا مرتبط دلوقتي، ولما اتقابلنا قولت لو في بينا عدم ثقة يبقى مش هنكمل، أنا وصلت لمرحلة دلوقتي صعب أوي إني ارتبط بـ واحدة في بينا علامات استفهام، أنا شرقي الطباع جدًا، ويمكن ده اللي أخرني في الجواز.
وتابع: من خلال كل تجاربي وصلت إن العلاقات رزق، وكرم من عند ربنا أو غضب من عند ربنا، كنت دايمًا بحلم إن يتفق قلبي مع عقلي، كان دايمًا فيه صراع، ودلوقتي اتفقوا في علاقتي الحالية.
ووضح: أنا اطمنت، أنا واحد من الناس اللي طبعًا بحب الشكل الحلو، ويكون دمها خفيف، أنا اتعرفت عليها بالصدفة البحتة، هي بتشتغل في مجال الإعلام وكلمتني بخصوص البرامج، واتقابلنا وقولت يا رب يطلع شخصيتها زي شكلها، هي واضحة وحقيقية زيي.
وأكد أن الفتاة المرتبط بها في الوقت الحالي لا تمتك أي حسابات عبر مواقع التواصل الاجتماعي، قائلًا: هي مفيش عندها حسابات على مواقع التواصل ولا بتنزل صورها، أنا مش بعيب في حد، ولكن دي حاجة أنا بفضلها في شريكة حياتي، وأكتر حاجة بتضايق مني فيها إني مبعرش أصالح.
طرح النجم إيساف أحدث فيديو كليب له بعنوان "إحساس الروح " وهو دويتو غنائي بمشاركة المطربة آية خفاجة، التى شاركت فى مسلسل "لؤلؤ" وأدت بصوتها أغاني الفنانة نرمين الفقي التي جسدت شخصية "كاميليا" المطربة المشهورة المنافسة المباشرة لـ لؤلؤ، التي جسدت دورها مي عمر بطلة المسلسل.
