الشباب هم أكثر جيل فى التاريخ من الممكن أن يعطى حلولا لمشاكلنا هذه الأيام.. خاصة فى الأزمة المتعلقة بالبيئة وتغير المناخ.. نعم لدينا الفرصة لحل المشاكل، وانصح الشباب أن يقرأ عن تغير المناخ وتأثيرها على حياتهم وشغلهم ومستقبله.. احنا عندنا حلول كتيرة وجديدة بحل مشاكل البيئة.. ومعظم شبابنا لديه علاقة بالتكنولوجيا وانفتاح على العالم.. واحد هيقولى أنا مالى ومال تغير المناخ.. عايز أقول له التغيرات المناخية هتغير حياتنا للأسوأ لو مخدناش بالنا.. فرغم التطور الرهيب الى وصلت له المركبات الكهربائية إلا أن كل ده لسه مرحلة مراهقة، بداية من ٢٠٢٥ نبدأ نشوف مركبات كهربائية فى مستوى مختلف تماما لو محصلش أى مشاكل عالمية تأخر التطور ده.
إقرأ أيضًا
نصيحة بلوجر: إحترمى إبنك.. لتصنعى رجلا صغيرا
عايز أكتب لكم يا شباب كمان عن حاجة مهمة.. ما تستعجلش فى أى شىء فى حياتك.. اصبر واشتغل على نفسك أكيد هتوصل، أى شاب لسه بادئ حياته جديد.. عنده فرصة.. اتعلم واكتسب خبرة.. وأكيد هتوصل لأحلامك المرجوة.
مهندس على عبده - مقدم محتوى خاص بالبيئة ومغامر مصرى
