كشف النجم أمير كرارة، عن اعتذاره عن دور البطولة في فيلم "الممر" بسبب التزامه بالكثير من الأدوار التي كان يجسد فيها أدوار الضابط، قائلا: "اعتذرت عن الممر عشان كان عندي ادوار كتير وطالع فيها ظابط فى كلبش3 وحرب كرموز".
وأضاف النجم أمير كرارة، خلال حواره ببرنامج "حبر سري" مع الاعلامية اسما ابراهيم، على قناة القاهرة والناس، أنه كان يتمنى العمل مع المخرج الكبير شريف عرفه في الممر، متابعا: "كنت اتمنى اشتغل مع شريف عرفة لان الممر فيلم كبير وأحمد عز عمله احسن مني وزعلت أنى معملتش الدور وحاجة محترمة".
وتابع: "اعتذرت عن مسلسلات قبل كده ولكن انا كنت ببقى عارف بعمل ايه، وأنا اتحطيت فى دور الظابط 5 مرات وعملته في حرب كرموز والاختيار وكلبش، وكان كلهم مختلفين عن بعض ولكن قبل كده عملت مسلسلات شبه بعض زي حواري بوخاريست ومسلسلات مشابهة".
وتابع قائلاً :"رامز نجم كبير ومحبوب وأفلامه الكوميدية لذيذة وضيف الشرف كان احمد السقا وياسر جلال وأنا، وكانت تجربة جميلة ولو مش عاجبني كنت هقول مش عايز".
وعن رأيه في مقالب رامز جلال، رد قائلا: "رامز جلال يستحق أننا نجامله ولو طلب اشارك معاه فى مقلب نفسي اشارك معاه نعمل مقلب، وبحب برنامجه قوي وأفكاره مجنونة ومطرقعة وتخيلت قبل كده أنه يستضيف حد من النجوم ونعمل مقلب وهو مش بيرحم".
