بقلم: محمود عبدالله
مُفتقِد رمضان بشِدّه
القديم رمضان بتاعنا
مدفع الإفطار بيضرب
مُعلِناً بدايات مُتَعنا
الفطار طبعاً جماعى
عالمسلسل الإذاعى
وقوم نحلّى
واجرى على بوجى وطمطم
لهفه مش بتخس مِللى
حُب شريهان قد نيللى
خُش على فطوطه طفره
بدله خضرا وجزمه صفرا
بعد منها مسحراتى ف كل حاره
و ف إيدينا فانوس بشمعه
و بالحجاره
نفسى عمرى تانى يرجع
للزمن ده ولا اتنقِل
و اشبعوا انتوا بالتطور
اللى خفف كل صعب
وخلّى دم الكون تِقِل
