بقلم: محمود عبدالله
النوم سلطان وان جالك نوم
أنتخ يا معلم و ادّيها
مشغول و وراك مواعيد بالكوم
أجّلها يا عم أو الغيها
صحيانك مش بيضيف حاجه
ولا نومك عمره عمل أزمه
فَأكيد مواعيدك مُعظمها
تافهه ومالهاش تلاتين لزمه
فَتنام أحسن والنوم ده مُهم
والشئ من غيرك بيك حيتم
ده بتوع الصحه العالميه
وصّونا على النوم ده وصايه
ده فوايده كتير جداً للجسم
عايز تعرفهم إيه بالإسم؟
أُدخل على جوجل واقراهم
وانا حدخل اريّح نُصّايه
