بقلم: عصام حسني
ومن مكاسب البطولة
الصبر واللعب برجولة
أبطالنا أدّوا وكانوا أدّ المسئولية
وإحنا التعصّب كله راح للمنتخب
ما هى مصر ليها الأولوية
مين كان يقول إن أبو جبل
يبقاله جمهور أهلاوية!!
طول عمرنا ندعم ونشجع
ورا فرقتنا وزى ما تيجى
ما أحنا بدأنا بعافية شوية
وآدائنا اتحسّن تدريجى
فى النهاية خسرنا ماتش كسبنا ياما
ملحوقة.. دى الأيام دوّل.. وهنقابلهم
ونروح لكأس العالم تانى بالسلامة
