طارق العريان يكشف كواليس التحضير لـ «ولاد رزق 4»

كشف المخرج طارق العريان عن مواصلة تحضيره للجزء الرابع من فيلم "ولاد رزق"، المقرر عرضه بالسينمات خلال الفترة المقبلة.

وقال طارق العريان خلال حلوله ضيفًا على برنامج «ET بالعربي»: "احنا حاليا بنكتب السكريبت وانت لسه عاوز تشوف أحجام الشخصيات ودتك فين؟، وانت مش بايدك ان تقول أنا ممكن أجيب عصام عمر في دور إلا لو كان كبير ميبقاش صغير فمش قادر أحدد غير لما يتكتب كله".

وتابع طارق العريان: "واحنا مكملين استمرار للنجاح طالما بتعمل فيلم كويس مش بتحلبه، والناس خابة ولاد رزق أوي ودايما مستنينه كأنه حلقات من مسلسل والفيلم الناس اتعلقت بشخصياته وكل مرة لازم يبقى عندك فكرة حلوة وإلا مش هتكمل".

آخر مشاركات المخرج طارق العريان على شاشة السينما

كانت آخر مشاركات المخرج طارق العريان على شاشة السينما بفيلم "السلم والثعبان 2: لعب عيال" عام 2025.

تدور أحداث "السلم والثعبان: لعب عيال" حول أحمد وملك، اللذان تتحول علاقتهما من مجرد إعجاب إلى حب متبادل، فيسعى كل منهما إلى إبهار الآخر بشخصيته وتصرفاته، على أمل أن تستمر قصة حبهما إلى الأبد وتصمد أمام جميع التحديات.

وشارك ببطولة الفيلم كل من عمرو يوسف، أسماء جلال، ظافر العابدين، ماجد المصري، حاتم صلاح، قصة طارق العريان، تأليف أحمد حسني، إخراج طارق العريان.