الديوان| صوتي بقى إزاي!

صوتى بقى إزاي!
وبِتِسألى ليه؟
ما خلاص العهد اللى أنا وانتِ أقسمنا عليه
بقى سرب حمام ما لهوش غِيِّة
صوتى بقى إزاي!
اِسألى نَفْسِك... أنا ليه حشرجت
طبعاً هتقولى إن أنا فقرى ولا حيلتى جِنيه
طب كنتى موافقة الأول ليه؟
أسئلة بايخة وردود أبوخ
أنا سانن سيفى اللى إتَّرَّم وبَحَاول أرد
بِدُون فايدة... المسرحية الجاية إمتى؟
إبقى اِكتبيلى دور كويس
بلاش أبات العرض كله فى الكالوس
بلاش أقضى عمرى نايم فى الرؤى
وأصحى ألاقيكى الكابوس
إبقى اِكتبيلى دور كويس
أكرهك فيه بَالهداوة
أو أحبك بِمُفتاح on و off
عشان أما أشوفك ع الحقيقة أقفل
أو حتى ممكن تشطحى بِقَلمك
واِكتبيلى دور واحدة ست
لكن بِذمة وحَرفنة وعَصرة دماغ.. جايز
لَمَّا ألبس الشخصية أفهم انتِ مين