الديوان| مسافة الطُرقة والصًالة

بكدب ..
لما اقول ف الدنيا ونس ..
من غيرك ..
وكإنك شط بعيد
خد كل الحبايب يفرحوا
وسابني
بكدب ..
وبصدق ..
لما اقول ف القصيدة ..
هـ اقابلك ..
وحروف الليل هـ تلم شعرك ضفاير
والمسه بادي
وبكدب ..
على روحى لما اقول ..
نسيتها
وانا اللى مسافة الطرقة والصالة
بتكعبل ف ميت حاجه ..
منّك حبّيتها
وبصدق ..
لما بكتب واقول ..
كل الخيال ف الصّورة
مُستهلك/ قديم
قتل فضولى بالبحث عن 
ضحكة .. 
فتحت سواقى الغُنا ..
للأرض ..
اللى عشقتها