أكدت الفنانة غادة عبد الرازق، علي أن اختيار المخرجين لها في أدوار وشخصيات المرأة القوية خلال الأعمال الفنية، جاء لأن الجمهور يحب تيمة الانتقام التي تقدمها خلال أعمالها، مما يجعل المخرجين يحرصون على تقديمها بصور مختلفة.
وتابعت غادة عبد الرازق حديثها من خلال لقائها مع برنامج صباح العربية: “المخرجين بيطلبوني دايمًا لأن شخصيتي قوية، والناس شايفة أن البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة”.
اقرأ أيضا: غادة عبد الرازق: كل اختياراتي في الرجالة غلط
وأضافت غادة عبد الرازق قائلة: “القوة مش معناها إن البني آدم ميبقاش طيب، القوة حلوة عشان لما تقع تقف تاني، أو انفصلت في ناس بتدمر القوة أن أقف على رجلي تاني، مش لازم أبقى ست مفترية، والرجالة هما اللي بيقولوا على المرأة القوية أنها متسلطة، ولو ستات قالوا كده بيبقوا عايزين يبقوا أقوياء ومش عارفين ولا عارفين ياخدوا حقهم”.
وكشفت غادة عبد الرازق، عن رأيها في الحالة الفنية المصرية في الوقت الحالي، معلقة: “الصحة الفنية المصرية للأسف مبقتش بالقوة بتاعة زمان، النصوص بقت ضعيفة والمؤلفين يستسهلوا أو يفصلوا على مقاس النجم”.
جدير بالذكر أن أخر أعمال الفنانة غادة عبد الرازق، مسلسل صيد العقارب، آخر أعمال الذي شاركت فيه ضمن الماراثون الرمضاني 2024 وضم العمل مجموعة من الفنانين هم: محمد علاء، رياض الخولي، سيمون، أحمد ماهر، ميار الغيطي، محمد علي رزق، عفاف رشاد، محمد نجاتي، أحمد الشامي، مي القاضي.
