علق الفنان عمرو يوسف على تخطي إيرادات فيلمه الجديد «شقو» حاجز الـ 53 مليون جنيه خلال اسبوعين عرض مؤكدا أن نجاح الفيلم وايراداته تخطت كافة التوقعات.
وأوضح قائلا :«فيلم شقو خطوة مهمة وكبيرة في مسيرتي ونجاحه فاق كل التوقعات والحقيقة الإيرادات افورت مننا أوي ما شاء الله وان شاء الله تكمل على خير».
وتابع خلال لقائه مع برنامج «مساء الإمارات» قائلا :«الفيلم ده رحلة طويلة مضيته سنة 2021 ونزل في 2024 وبذلنا فيه مجهود كبير جدا وكريم السبكي عامل فيه شغل استثنائي وسعيد جدا بالتجربة دي وفخور بالفيلم».
اقرأ أيضا: قبل حسن الرداد.. فنانون على كرسي المذيع
وعن حبه لفكرة البطولة الجماعية عن البطولة المطلقة أوضح عمرو يوسف أن النجاح هو الوجود ضمن فريق عمل قائلا :«مفيش حاجة اسمها نجم أوحد .. بس في فريق عمل قدام وورا الكاميرا.. أنا بحب اشتغل مع ناس أنا بحبها ونجوم فيلم شقو كلهم أنا بحبهم وبحب اشتغل معاهم.. أحنا عشرة وسنين واشتغلنا مع بعض قبل كده».
وأضاف قائلا :«عشان كده عمري ما فكرت أني اكون لوحي ومش شايف أن ده نجاح».
يذكر أن فيلم «شقو» من بطولة عمرو يوسف ومحمد ممدوح ودينا الشربيني وأمينة خليل ومحمد جمعة ووليد فواز وعباس أبو الحسن ويسرا من تأليف وسام صبري وإخراج كريم السبكي.
