أعربت الفنانة زينة عن استيائها من أسلوب الناقد الفني طارق الشناوي في انتقاد أعمالها، مشيرة إلى تدخله في الأمور الشخصية، خلال ظهورها في برنامج "الحكاية" الذي يُقدمه الإعلامي عمرو أديب على شاشة MBC.
اقرأ أيضا | زينة: شاركت مع أبنائي لدعم غزة وهم غير مُطالبين بالظهور على السوشيال ميديا
وأكملت زينة: "لما عملت الليلة واللي فيها نجح وكسر الدنيا ولما جه ينقد العمل قال زينة أخيرا خرحت من مشاكلها مالك ومال الكلام ده ولما عملت العتاولة قال زينة سابت البطولات المطلقة، وزعلانة لأ أنا مش زعلانة أنا بعمل عمل مع نجوم كبار وأحمد السقا اسم كبير وباسم سمرة وطارق لطفي وشركة كبيرة زي الصباح".
وتابعت: عارفة أنك بتحبني ولكن مينفعش حضرتك تتكلم عن طموحك الشخصي ليا اتكلم يحيادية علشان استفيد منك، ولما تقولي حاجة تكون بناءة، وكمان الأجيال الجاية تستفيد.
كما علق المخرج أحمد خالد موسى على الانتقادات التي قد توجه لهم، قائلًا: "قناة إم بي سي وهي أهم محطة في الشرق الأوسط طلبت جزءً ثانٍ من المسلسل بنفس الأبطال أكيد مش هيعملوا ده مجاملة، لأن أي حد يقدر يكون موجود في المكان ده والميعاد ده وفيه تقاير بتوري نسب المشاهد الحقيقية".
ومن ناحية أخري، قال مصطفى أبو سريع: "مينفعش أكون ناقد وأنقد بطريقة تنتقد، كده بقى النقد الحرام أهو وفي ناقدة سيدة قالت كلام عني بسبب أنها شافت مشهد فحكمت على الدور كامل والمسلسل، ولكن المفروض تشوف عمل وبعدين تقيم ومينفعش تنتقد بطريقة فيها تجاوز".
