عبرت الفنانة وفاء عامر، عن سعادتها بالعمل مع أحمد العوضي في مسلسل حق عرب خلال دراما رمضان هذا العام، قائلة: "اعتبر نفسي أني محظوظة بالعمل مع أحمد العوضي وهو متواضع وبيحب الناس والناس بتحبه وهو على خلق ومؤدب ويحترم اللي أكبر منه".
وأضافت وفاء عامر، خلال مداخلة هاتفية ببرنامج "الستات مايعرفوش يكدبوا"، المذاع على قناة سي بي سي، أن أحمد العوضي متواضع للغاية ويتعامل كأنه أصغر ممثل في لوكيشن التصوير وعينه على كل حاجة بأدب ولا يتردد، قائلة: "العوضي يستحق النجاح ويستاهل أن الناس تحبه وقلبي وأسرتي حبه بجد".
وأكدت وفاء عامر، أن انتشار ثقافة الحب بين الفنانين تنعكس على العمل، متابعة: "لو الفنان مش حابب اللوكيشن ولا الزملاء مش هيخرج عمل كويس ولكن المخرج كان عظيم وتأخرت أني اشتغل مع إسماعيل فاروق ويدخل في التفاصيل ويطمئن الممثل وهنفضل نتعلم لحد ما نموت واللي عايز يفضل كويس في عين الناس مش نفسه ويفضل قليل في عين نفسه وكبير في عين الناس".
