هاجمت ميكا البغدادي طليقة مغني المهرجانات مسلم تصريحاته الأخيرة بشأنها وكشفه عن سبب طلاقهما بعد أقل من سنة ونصف جواز مشيرة إلى أنا كانت تفضل عدم الحديث عنها بدلا من الكذب على الجمهور مؤكدة أن سبب الطلاق هو الخيانة.
ونشرت ميكا البغدادي فيديو لها عبر صفحتها الشخصية على انستجرام ترد من خلاله على تصريحات طليقها مسلم قائلة :« مكنتش تجيب سيرتي وقلت حاجات مش حقيقية.. اللي حصل عكس اللي قولته».
وأوضحت قائلة :« طالع تقول ظلمتني ومخنتهاش إزاي وإنت طالع لايف تعتذر لي فيه أنك خنتني.. في ناس عارفة إنك كداب ومش بتقول الحقيقة» مضيفة :« لدرجة إن اختك ومامتك جولي بورسعيد عشان يرجعوني والناس كانت بتقولك حرام اللي بتعمله ده».
واعادت ميكا نشر فيديو سابق لطليقها مسلم وهو يعتذر عن خيانته لها قائلا :«بعتذر للست اللي عايشة معايا لأنها قدرت تستمر رغم الظروف وتعديها معايا واستحملتني في عز ما كنت بطلع عينها وأعمل حاجات لو واحدة مكانها مكنتش استحملت».
إقرأ ايضا: «الحشاشين» الحلقة 24.. حسن الصباح يغدر بـ «ابن المؤذن» بعد حكم قتل زيد
ويذكر أن مغني المهرجانات مسلم كان قد كشف عن أسباب انفصاله عن زوجته ميكا البغدادي خلال لقائه في برنامج «أسرار» مع أميرة بدر.
وأوضح قائلا :«أحنا مش دماغ بعض ومش واخدين بعض عن حب وهي كانت صاحبتي في الأول.. ومحترمة وما زالت محترمة لكن ما اتفهمناش ودماغنا مش شبه بعض قررنا إن كل واحد يعيش حياته ويفضل الطفل ما بينا وكل احترام».
