أكدت الفنانة جميلة عزيز، أنها لا تفضل الظهور على مواقع التواصل الاجتماعي خاصة منصة تيك توك، وبجانب الكشف عن أنها لا تتابع الأعمال الدرامية بشهر رمضان.
وقالت جميلة عزيز، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": السوشيال ميديا مش ميولي، أنا أقعد أقرأ كتاب وأعمل حاجة تفيدني، والسوشيال ميديا مش هتفيدني في حاجة، والفنانين اللي بيطلعوا على السوشيال ميديا دي حرية شخصية، والتيك توك مش هيفيدني بحاجة.
وتابعت: التيك توك بيقضوا بيه الوقت، وشايفة فيه حتة فن، ولكن من وجهة نظري الفن قدام الكاميرا، والفنانين مفتقدين الحتة دي لأنهم مفيش فرصة يمثلوا قدام الكاميرا فابيعملوا ده على التيك توك حبًا في الفن، علشان عايزين الناس تحس بيهم وأن هما موجودين، وأنا مبلومش عليهم.
وأضافت: أنا مش مع الشخصية اللي تطلع تشتكي على التيك توك، الشكوى لغير الله مذلة، وربنا هيرزقك ومحتاجة صبر وإرادة، والفنان المفروض يكون عنده مهنة تاني، علشان يتسند عليها وقت ما يحصل له أزمة، والمفروض يكون عنده مهنة تانية.
واستكملت: الفن لو مفضلتيش تسعي فيه وتحاربي وتثبتي وجودك هتتنسي، علشان كده قالوا الفن مالوش أمان، لازم تثبتي وجودك لغاية آخر يوم في عمرك.
وأردفت: السعي ممكن يكون بالعلاقات الاجتماعية والاتصالات وود مع حد وتباركي لحد، ويبقى في مناقشة حرة لكن منقولش إحنا عايزين نشتغل اللي بنكلمه بيبقى فاهم اللي بين السطور.
وأوضحت جميلة عزيز، أنها لا تتابع الأعمال الدرامية في رمضان، قائلة: أنا مشغولة حاليًا بمذاركرة ودراسات، وصلاة التراويح والقرآن وبعد رمضان إن شاء الله هنتابع مسلسلات بدون إعلانات، ده شهر عبادة.
تفاصيل برنامج «المنسي»
برنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.
