رد مطرب المهرجانات مسلم على منتقدي حفل خطوبته، وذلك بعد طلاقه بشهرين فقط.
وتحدث مسلم خلال فيديو عبر انستجرام: "الناس قلبت عليا السوشيال ميديا ومعلش يعني أنا روحت خطبت علشان خلاص مشيت في طريق ونسيت.. وربنا كرمني بإنسانة تفهمني، وآه مقعدناش وقت كبير بس أنا ارتحت معاها وهي بنت ناس وكويسة ومقصرتش معايا".
وأضاف: "أتمنى الناس تكون عندها عقل وفهم عشان خاطري إنتوا متعرفوش حاجة، ومحدش يعرف اللى جو البيت بيدور أيه أو اللى جوه الحياة بيبقى عامل ازاى ومحدش يعرف ده عامل إيه وأنا مش بحب أتكلم عن حياتي وبيتي".
وتابع مسلم: "أنا لو طلعت أتكلم عنها أبقى مش راجل، وعمرى ما هطلع أتكلم على واحدة بقى ليا ابن منها هي عايشة حياتها وفيه ابنها وليها كل الشكر وأنا روحت خطبت ومعملتش حاجة بالحرام وخطبت وعملت فرح زي أي حد طبيعي، الناس اللى معايا متستهلش إن يجيلها تعليقات سلبية وليه الانتقاد".
احتفل مطرب المهرجانات مسلم، الخميس الماضي، بحفل خطوبته على فتاة من خارج الوسط الفني.
وكان مسلم قد أعلن في ديسمبر الماضي طلاقه من ميكا البغدادي بعد زواج استمر عامين تقريبا.
وكتب مسلم، عبر حسابه على «إنستجرام»: "الحمد لله على كل شيء، الحمد لله تم الطلاق رسمي بيني وبين ميكا البغدادي، للأسف مكنتش أحب تكون دي النهاية، ويعلم ربنا أني راعيت الله فيها وتمسكت ببيتي أكثر من مرة".
