هنأت الفنانة رنا سماحة صناع مسلسل حالة خاصة الذي حقق تفاعلًا كبيرًا بين الجمهور منذ عرض الحلقة الاولى من المسلسل ولاقى المسلسل ردود فعل ايجابية من الجمهور.
وكتبت رنا سماحة بوست تعبر فيه عن سعادتها وذلك عبر حسابها الرسمي على موقع إنستجرام وعلقت قائلة:"كل فترة كده بيتعمل مشروع بشباب جديد يكسر الدنيا فيدينا إمل إن مش دايمًا لازم وسايط ولا شلة معينة، لا لسه في ناس بتعمل فن بجد دون أي حسابات لسه في ناس بتعمل أعمال تحترم عقلية المشاهد وترتقي بالفن وليها هدف ورسالة".
وتابعت حديثها:"حالة خاصة واحد من أهم الأعمال اللي شفتها الفترة الأخيرة أبطاله شباب مع نجمة كبيرة غادة عادل خلقوا في ١٠ حلقات حالة ممتعة، طه دسوقي قد إيه موهوب وفنان أوي وفي فترة قريبة هيبقى من أهم كوميديانات الجيل.. اختيار الأستاذ هاني شنودة لمزيكا المسلسل من أكتر الحاجات اللي بسطتني أوي وحسستني إني فعلًا بتفرج على عمل مختلف ومميز".
اقرأ أيضا:زوج رنا سماحة.. "مابحبش فيها الصوت العالي"
واستكملت: "نيجي هنا لعنصر مهم جدًا وهو الأستاذ طارق الجنايني قد إيه بحترمه ولما بشوف اسمه على أي عمل ببقى متأكدة إني هتبسط.. منتج بيعمل فن بجد قلبه جامد مبيفرقش معاه إنه يشتغل مع نجم كبير أو صغير".
وتحدثت رنا عن المؤلف قائلة:"مهاب طارق كاتب الحدوتة حلو أوي مبسطة ومليانة أفكار وتريكات ونقلات عبدالعزيز النجار مخرج شاب موهوب ومختلف وترجم الورق بمنتهى الروعة حتى التتر مستخسرش أنه يورينا تتر مختلف".
واختتمت حديثها عن دور الفنانة وئام مجدي قائلة:"وئام مجدي بقى صاحبتي وحبيبتي الشطورة مبسوطة بيكي أوي شكرًا يا جماعة المسلسل فعلًا حالة خاصة".
