ولا عمرك هتتعلم
وخلى حلمك الواهم
يعبى الكذب ويسقف
على رفوفها
وعود قلبك المهزوم
على الخيبه
كما العاده
روح أشرب قهوتك ساده
أتعود تعيش مكسور
عبيط خايب
عامل لى حويط
وتبكى واللبن مسكوب
على الأحوال
وتتشحتف كما الأطفال
وتحلم بالأميره سنين
وتجرجر فى أيامك ما تتحقق
وبتصلى فى محرابها
عشان ترضى
وبتطول ركوع وسجود
ولا ينفع
وتتذلل ولا يشفع
تبدل هى عشاقها
كما حذائها
يكون أزرق
يكون بنى
وفى السهره يكون فضى
دى بتغشك
وبتهشك
وتجرح قلبك الصافى
بنيت لك فى هواها قصور
تقع من سابع السماوات
ما هى سبكت عليك الدور
وربك كاشف االمستور
خسارة قلبك االطيب
عشان من خيبته صدقها
تجيب اللوم على نفسك
خلاص سيبها
هاتفضل أنت على خيبتك
وتبقى هى على عيبها
تسيبك فى الهوا معلق
وراحت للى يشبها
