حلت الإعلامية منى الشاذلي اليم ضيفةً عبر برنامج ABtalks الذي يقدمه الإعلامي الإماراتي أنس بوخش في أولى حلقات البرنامج من عام 2024.
وروت منى الشاذلي قصة تعارفها مع زوجها سمير يوسف وقالت: "لما قررت اسافر إيطاليا علشان أشتغل قررت إني مقعش في الحب وأركز في شغلي ومستقبلي لكن وقعت في الحب وفي الأول لا كنت بطيقه ولا هو كان طايقني كنا بنضطر ننزل مع صحابنا علشان مش بنطيق بعض لحد ما بقينا عايزين نقعد لوحدنا وقد كان ومعظم العلاقات اللي بتبدأ بخناق بتعيش لمدة طويلة".
اقرأ أيضا - قبل «الإسكندراني».. 3 أعمال فنية لـ«أسامة أنورعكاشة» عرضت بعد وفاته
وتابعت: "أنا وهو دلوقتي تمينا 25 سنة مع بعض وأنا وجوزي متناقضين في كل حاجه وهو مش رومانسي.. هو حنون ورجل عائلة عظيم، لكنه راجل عملي، ومش بنزعل من الاختلاف بينا".
وأضافت منى الشاذلي: " الولاد والبنات لازم يتربوا على تحمل المسئولية، والحب حاجة والحياة الزوجية حاجة، ولو اكتافك متتحملش المسئولية متتجوزش، لازم تربي أولادك على أنهم يشيلوا المسئولية ويتحملوا ضغوط الحياة، غير كدا هيبقى جواز عيال، فالحياة الزوجية محتاجة مجهود كبير".
وفسرت الإعلامية منى الشاذلي مراحل الحب الثلاث التي يمر بها الزواج والتي يجب ان يدركها كل زوجان كى تستمر الحياة.
