يا دُعاة الإنسانية
يا رُعاة سفك الدماء
المجازر هىّ هىَّ
فين حقوق الأبرياء
قصدكم تمحو القضيه
تمسحوا أصل الهويه
من فلسطين الأبيه
بالخيانه والدهاء
ليه دبحتوا الإنسانيه
قيدتوا نار العنصريه
دا التاريخ عينه قوية
ليه قتلتوا الأنبياء
انسعرتوا من الهزيمه
واستحلّيتوا الجريمه
كنتوا فاكرينها وليمه
دمكم كله رياء
فين حصونكوا المفتريه
والمتاريس العفيه
كلها صبحت هفيه
هدها جنود الفداء
المشافى هدتوها
والطفوله بتعدموها
والجوامع تهدموها
مانتوا أدمنتوا العداء
كل صوره تشوهوها
والحقيقه تزيفوها
نار قلوبكوا بتشعلوها
طبعكم خسه وغباء
ليه عدالة الدنيا نامت
والضمير غايب وصامت
واما شمس الحق بانت
ليه قيامة الدنيا قامت
غزه رفضت الانحناء
