فسر مغني المهرجانات عمر كمال، أسباب تقديمه أغنية جديدة يدور موضعها حول "الغربة".
وقال عمر كمال في فيديو عبر حسابه على إنستجرام: "الناس بتشوفهم في الصيف راكب عربية حلوة، جاب شقة، جاب هدايا، وبيصيف، لكن هما بيسددوا ديون محدش يعرف يسدها، تاخد كم وتشوف ابنك بيكبر بعيد عن عينك ومتبقاش جمب حد حبيبك في فرحه وحزنه ولو حد مات عزيز عليك ومكنتش معاه".
وتابع: تاخد كم والناس بتنساك علشان أنت بعيد عنهم، وأنت شايف حياتك وعمرك بيعدوا وأنت بعيد عن أهلك وأصحابك، مش كل حاجة تتحسب فلوس، ده تمن الغربة اللي هما بيدفعوها.
وكان برر مغني المهرجانات عمر كمال، سبب استكماله لإحياء الحفلات الغنائية في ظل حالة الحداد العامة، تضامنا مع ما يتعرض له الشعب الفلسطيني من قوات الاحتلال، معربا عن أسفه الشديد عن اضطراره لإحياء هذه الحفلات لما يرتبط به من عقود واتفاقات مسبقة، إلى جانب أن وقف الحفلات سيضر بـ40 أسرة لـ40 فردًا يعملون معه، لأن أعمالهم وأجورهم ستتوقف.
وكتب عمر كمال، من خلال خاصية «ستوري» عبر حسابه على موقع «إنستجرام»: «مساء الخير على كل حبايبي وإخواتي، أنا بنزل شغلي عادي وشغال الحمد لله، لأن ده شغلي وأكل عيشي، ولازم أنزل أفرح الناس، ولازم ألتزم بأي اتفاق قلته للناس، وكمان علشان ورايا حوالي 40 فردًا بـ40 أسرة شغالين معايا فاتحين بيوت».
وأضاف عمر كمال، قائلًا: «لكن أنا بتأسف لأي حد بيعملي منشن في الاستوري بتاعته الفترة دي، مش هقدر أقبله مراعاة لمشاعر إخواتنا في فلسطين، ولكل إنسان حاسس حالة حزن على اللي بيحصل، ربنا يسعدكم يا رب، ويا رب أكون قدرت أفرحكم في مناسباتكم سواء فرح أو حفلة.. بس سامحوني الفترة دي».
