تحدث الفنان محمد سليمان عن كواليس زواج ابنته قائلا: "معملناش قايمة ولا مهر والحاجات دي، القايمة والمهر ملهمش اعتبارات خالص".
وأوضح سبب عدم مطالبة عريس ابنته بالمهر من خلال برنامج "فيس أوف" والذي تقدمه الإعلامية سارة نخلة على شاشة قناة "هي"، قائلا: "شوية الكراكيب دي هي اللي هتحميها هو ده اللي هيأمن مستقبلها".
وأكمل: "حصل أي حاجة والكابلز انفصلوا والبنت أخدت العفش بتاعها ده كله مش مهم الأهم أني أعرفها إزاي تبقى مستقلة ماديًا واقتصاديًا".
وأكد على رأيه في عدم أهمية القايمة قائلا: "علم البنت اللي اتعلمته دا اللي بيأمن مستقبلها أخلاقها ومفاهميها هي اللي بتأمن مستقبلها وطريقة تعاملها في الحياة ده المهم".
وكشف الفنان محمد سليمان عن موقفه إذا قررت ابنته خلع الحجاب قائلا: "طبعا مش هتدخل هي قبل ما تتحجب جت قالت ليا أنا ومامتها على قرارها مامتها اتصدمت وأنا قلت لها فكري كويس مليون ألف مرة لأن خلع الحجاب دة شيء محبط".
برنامج "FACE OFF" تقدمه الإعلامية سارة نخلة على شاشة قناة "هي" يوميًا من السبت إلى الإثنين وتستضيف عددا من نجوم الفن وتناقش القضايا المطروحة يوميًا بين الجمهور.
