علقت الفنانة ومقدمة البرامج سارة نخلة على تصدر أسما شريف منير للتريند، بعد حلاقتها لشعرها بماكينة حلاقة وذلك عبر برنامجها "فيس أوف" والذي تقدمه خلال شاشة قناة "هي".
وقالت سارة نخلة: "اللي ظهر في فيديو حلاقة الشعر إن أسما تعاني من قلق واضطراب ومفيش توازن، ولما قريت عنها هي كانت إيه لقيت إنها كانت ماكييرة وبعدها اتجوزت واتطلقت وبعدها اتجوزت من ممثل شاب واتطلقت تاني ودا شيء يحترم لأنها بتحاول".
اقرأ أيضًا : سهير جودة: «مش من حق حد يحاسب أسما شريف منير»| فيديو
وتابعت على رد الفنان شريف منير على مهاجمين ابنته قائلة: "مستغربة هو مفيش بينهم واتساب؟ أو مبيتقابلوش مثلا، ليه الدعم النفسي على السوشيال ميديا، وإحنا لازم نبقى متفقين إن أسما فعلا تعاني من نقص في الدعم النفسي ودي شغلانة الدكتور النفسي ودا مش عيب".
وأضافت: "لو كانت أسما راحت المهرجان بقصة شعرها عادي دا بيحصل في أرقى مهرجانات العالم كتغيير ونيو لوك لكن قبلها تعملي الفيديو دا عشان المشاهدة واللايكات وباباكي يطلع يقول خدتي التريند ومترديش كان الأولى تعملوا قعدة بين حضرتك وأسما وتدعمها بينك وبينها عشان أكيد في حاجة ناقصة خلت أسما تعمل دا وهي أم لبنوته وأنا اللي بزعل عليه في النهاية هما الأطفال".
