هاجمت الفنانة سارة نخلة، مطرب المهرجانات "كزبرة"، بسبب استخدامه صورة العالم أحمد زويل في أغنيته «عليا الطلاق» من خلال برنامجها «فيس أوف» عبر شاشة قناة «هي»؛ قائلة: «كزبرة بيهين أحمد زويل»
وتابعت: "كزبرة يجيب صورة للعالم الكبير أحمد زويل ويحطها في فيديو كليب اسمه عليا الطلاق ايه علاقته بعالم كبير زي أحمد زويل ليه يعمل كده".
وأضافت: "الإهانة اللي حصلت دي حصلت لشخص قدم كتير أوي للعلم احنا بنتكلم عن عالم غير عادى في مناطق وشوارع وجامعات باسمه اتعملت باسمه فيمنفعش شخص يعمل أغنية مهرجانات يجيب رجل قيمة وقامة كبيرة وتحط صورته جوه الكليب أو أنك تيجي جنب اسم حد قدم كتير للعالم كله مش بس مصر والوطن العربي بس".
أما عن أسماء مغنيين المهرجان علقت قائلة: "ليه مطربين المهرجانات الشعبية زي شكوش وحمو بيكا ليه مصممين يسموا نفسهم بالأسامي خضار وفاكهة فيه عنبة وكزبرة في حاجات غريبة كنت فاكرة أنهم في الأول بيتريقوا على نفسهم بس طلع ده حقيقي".
