من حق الكلب الراقى
الباصص من شباك سيارته
أن ينظرَ باسمئزازٍ
للكلبٍ البشرى الفتاك
الواقف على رجليه بالعافيه
مستنى الأتوبيس
الجاى بيدلدق فى كلاب ركباه
ويطرشق من كتر الزحمه اللى ف جواه
والكلب الفتاك لساه
راح ينزل م الأتوبيس وهيمشى لساعه
لجل ما يوصل على أبواب الحاره
من حق الكلب الراقي
في حراسه تحميه
لما يتف على الكلب البشرى الفتاك
محتاج لحراسه
تحميه من دم البشرى الغلبان
لما الراقي ينهش في العظم وف اللحمه
أصل الدم البشرى نجاسه
من حقه يطلع له لسانه ويقول ببجاحه
انا سايق
لكن انت اللي بتتساق
