حصلت "بوابة أخبار اليوم" على نص أقوال المتهم بقتل سيدة وإشعال النيران داخل منزلها وسرقتها بالمرج.
اقرأ أيضاً | المؤبد وغرامة 100 ألف جنيه للمتهم بالإتجار في المواد المخدرة بالمرج
س / ما قولك فيما هو منسوب اليك من أنك متهم بوضع النار عمداً بمسكن المجني عليها "عائشة سيسيه" بأن قمت باستغلال عدم ادراكها وفقدانها للوعي وقمت بتجميع الاوراق المتناثرة بمسكنها للمساعدة على الاشتعال وسكب سائل الزيت، حتى اشتعلت النيران بالشقة محل سكنها وقد نشأ عن ذلك الحريق موت المجني عليها، كما قتلت المجني عليها سالفة الذكر عمدا بغير سبق الاصرار والترصد، وذلك بأن قمت بكتم أنفاسها بيدك مستغلا وجودها منفردة بمسكنها حتى خارت قواها قاصدا من ذلك قتلها، كما سرقت المبلغ المالي المملوك للمجني عليها من دخل مسكنها ليلا على النحو المبين بالاوراق؟
ج / الكلام ده محصلش
س / ما الذي حدث اذا وما هي ظروف ضبطك وإحضارك؟
ج / اللي حصل اني اتعرفت علي عائشة قبل الواقعة بيوم عن طريق شخص اسمه "سالف" غيني الجنسية بيوظف البنات الغينيات كخادمات في البيوت، وكلمني قالي هتقابل عائشة وصاحبتها وهتوديهم المعادي في بيت علشان يقابلو صاحبة البيت وفعلا اتقابلنا ووصلتهم المعادي، وكان معاية صديقي وقابلنا صاحبة البيت، ولكنها اختارت صديقة عائشة المدعوة "أني" ورفضت توظيف عائشة فقومت بالعودة أنا وعائشة إلى المرج، وكان ليا عندها 100 جنيه، وقالتلي هديك الفلوس بعد ما الاقي شغل ولكن كنت عايز أضمن الفلوس فكلمت واحد صاحبي أسمه سامي يعرف عنوان سكنها وقابلته، وراح وراني مكان بيتها.
واستكمل المتهم: "بعد كدة هي كلمتني قالتلي تعلالي البيت علشان أديك الفلوس وروحتلها وقالتلي في التليفون لو صاحب البيت سألك انت رايح فين قولوا إنك طالع عند جبريل الغيني في الدور السابع، وفعلا وأنا طالع على السلم قابلت راجل مصري، وسألني وقلت له كده وطلعت عند عائشة فتحت لي ودخلت وكانت لوحدها في البيت، قالت لي أعملك أكل قولت لها لا أنا عايز شاي قالت لي لا هعملك لبن ودخلت ولعت البوتجاز علشان تسخن اللبن، وقعدت أنا وهي وكانت لابسة لبس قصير جدا وبتقولي عايزاك تمارس معايا الجنس وأنا هديك فلوسك قولتلها لا أنا متجوز وعندي طفل قالت لي متخافش محدش هيعرف".
وأضاف المتهم: رفضت وطلعت لي سكينه بتهددني علشان انفذ اللي هي عايزاه وروحت خنقتها بدراعي وأغمى عليها، وروحت جبت ورق كان مرمي على الأرض وولعته من نار البوتجاز ونشرته في كل مكان في البيت، وجبت إزازة زيت ورشتها في البيت كله والنار مسكت في البيت وطلعت أجري وبعديها بيومين أخويا كلمني قالي الحكومة بتدور عليك تعالى عند السنترال والحكومة هتقابلنا هناك وفعلا رحت والحكومة أخدتني على القسم وقالولي إن عائشة ماتت".
س / هل قمت بالتعدي عليها أن ذاك ؟
ايوه
س/ ما هي كيفية قيامك بالتعدي عليها ؟
ج / كتفتها بدراعي وخنقتها لغاية ما اغمي عليها
س / واين كان ذلك تحديدا بالشقة محل سكن المجني عليها؟
ج / كان في غرفة الصالة في مواجهة داخل من الباب مباشرة
س / ما هي الأفعال المادية التي قمت بها عقب قيامك بخنق المجني عليها ؟
ج / حطيت ايدي في جيبها واخدت الـ ۱۰۰ جنيه ودخلت عند البوتجاز وجبت ورق كثير من على الأرض والنار كانت مولعة على البوتجاز ولعت الورق كله ورميتو في أنحاء الشقة وجبت ازازة زيت من المطبخ ورشتها في انحاء الشقة على الورق علشان النار تزيد ودلقت شوية زيت علي البوتجاز وهو مولع
وفتحت الباب ونزلت.
س / هل قمت باشعال النيران في مكان تواجد المجني عليها ؟
ج/ لا
س/ أین تحديدا قمت بإلقاء تلك الأوراق المشتعلة وسكب الزيت عليها؟
ج في المطبخ والغرفة المتواجدة ناحية الحمام
س / وما هو سبب قيامك لأشعال النيران بالشقة محل سكن المجني عليها ؟
ج/ كنت خايف تيجي ورايا تعورني بالسكينة.
